XX. mendeko Euskararen Corpus estatistikoa
Testuingurua
Eta antzerki taldekoenganik jakin dut, aldi bakoitz han zela, ikusle xerrent, aski goiz galdeginik noiz emaitekoa zuten, horrelako gertakari bat ez baitzuen segur hutsitekoa!
Funtsean, nihaurek ere ikusi ahal izan dut, eta
bai eta Altzumartan
Bai zinez, Manex Erdozainzi-Etxart antzerkizalea zen errotik, drama ala antzerki arina, berdin maite zituen.
Nahiz ez den hor deus harritzekorik, olerkia eta antzerkia hain dira elgarri hurbil...
Eta badakit, berak aipaturik, gogoan zeukala, antzerki baten idaztea... Oztibarreko talde edo beste batentzat...
Zorigaitzez...
Noiz, non eta nola ezagutu nuen Manex Erdozainzi-Etxart?
Xuxen, xuxen erraiteko, ez nakike.
Jakiteko, berari utziko diot hitza:
Izan dira
Nere bidean
Kurutzatu dituztanak:
Mintzatu gara
Ixtant bat
Soaz
Amodioa
Horrela gertatu zitekeen gure artean ere eta inuminixtante adiskidantza sano baten lehen lokarriak josi genituen.
Gure soek, berehala, elgarren alderako amodioa, estimua, sortu zuten.
Hain zen gizon, gizona.
Itxuraz perestia, geldia, ona... eta barnez, zinez bortitza...
Ah! haren bihotza!